Angelina Jolie និងកូនចិញ្ចឹមនឹងមកថតរឿងខ្មែរក្នុងប្រទេសខ្មែរនៅពេលដ៏ឆាប់ខាងមុខនេះ
| Comment (s) / 27-Jul-2015 | មនុស្សនិងសង្គម |
យោងតាមសេចក្ដីប្រកាសពត៌មាននៅលើបណ្ដាញប្រព័ន្ធអ៊ីនធើណែតអន្តរជាតិមួយបានសរសេរថា អ្នកនាងAngelina Jolie ដែលមានឈាមជ័រកាត់ខ្មែរខ្លះនោះ ជាមួយកូនប្រុសចិញ្ចឹមរបស់នាងដែលជាកូនខ្មែរ និងស្វាមីរបស់នាងលោកBrad Pitt ដែលជាដៃគូថតខ្សែភាពយន្តឱ្យក្រុមហ៊ុនហូលីវូដដែរនោះនឹងអញ្ជើញមកដល់ប្រទេសកម្ពុជាក្នុងពេលដ៏ឆាប់ខាងមុខ ដើម្បីសហការជាមួយផលិតករភាពយន្តខ្មែរក្នុងការថតខ្សែភាពយន្តខ្នាតធំលំដាប់អន្តរជាតិមួយរឿង ដែលនិយាយអំពីការចងចាំនៃខ្សែជីវិតរបស់ក្មេងស្រីម្នាក់ដែលបានរួចផុតពីការសម្លាប់នៅក្នុងសម័យរបប៣ឆ្នាំ ៨ខែ និង២០ថ្ងៃ។
មានចំណងជើងថា “First They Killed My Father: A Daughter of Cambodia Remembers” “ការចងចាំរបស់ក្មេងស្រីម្នាក់ ដំបូងពួកគេសម្លាប់ឪពុករបស់ខ្ញុំ” គឺជាសាច់រឿងមួយដែលកត់ត្រានៅក្នុងសៀវភៅ២.០០០ក្បាល ដែលនិយាយអំពីខ្សែជីវិតរបស់ក្មេងស្រីម្នាក់ដែលបានរស់រានមានជីវិតពីការតាមសម្លាប់ក្នុងរបបប្រល័យពូជសាសន៍ ដែលសរសេរដោយកវីនិពន្ធ និងជាសកម្មជនសិទ្ធិមនុស្សដ៏ល្បីម្នាក់គឺអ្នកស្រី លឿង អ៊ឹង ។
Angelina Jolie បានរៀបរាប់ថា៖ “ក្រោយពីបានអានសៀវភៅ២.០០០ក្បាល របស់លោកស្រីលឿង អ៊ឹងហើយ វាពិតជាធ្វើឱ្យខ្ញុំក្ដុកក្ដួលនៅក្នុងចិត្តជាពន់ពេក វាគឺជាខ្សែសាច់រឿងដ៏កំសត់លាយឡំនឹងការតស៊ូ ពុះពារដើម្បីរំដោះខ្លួនឱ្យរស់រានមានជីវិត ហើយវាបានធ្វើឱ្យខ្ញុំដឹងថាក្មេងស្រីម្នាក់នោះពិតជាទទួលបានបទពិសោធន៍ដ៏កម្រមានអ្នកណាបានជួបប្រទះណាស់ ដែលសាច់រឿងនេះគឺបានកើតឡើងនៅក្នុងប្រទេសដែលជាទឹកដីកំណើតនៃកូនប្រុសចិញ្ចឹមសំណព្វចិត្តរបស់ខ្ញុំ” ។ “ខ្ញុំសង្ឃឹមថា សាច់រឿងនៅក្នុងសៀវភៅនេះនឹងលេចចេញជារូបរាងទៅក្នុងខ្សែភាពយន្តខ្នាតធំក្នុងពេលដ៏ឆាប់ខាងមុខ ហើយខ្ញុំពិតជារីករាយនឹងសហការការថតជាមួយនឹងអ្នកស្រីលឿង អ៊ឹង និងផលិតករភាពយន្តដ៏ល្បីគឺលោក ឫទ្ធី ប៉ាន់” ។
ទោះបីជាគេដឹងថា កូនប្រុសរបស់Angelina Jolie នឹងចូលរួមជាតួប្រុសមួយរូបនៅក្នុងខ្សែភាពយន្តនោះក៏ដោយ ក៏គេនៅមិនទាន់ដឹងទេថា Maddox Jolie-Pitt នឹងដើរតួជាតួអ្វីនៅឡើយទេ ។ ទាំងAngelina Jolie និងសហការីដទៃទៀតបានបង្ហើបថា ខ្សែភាពយន្តដ៏រជើបរំជួលខ្នាតអន្តរជាតិមួយនេះនឹងអាចដាក់បញ្ចាំងទៅក្នុងរោងភាពយន្តនៅបំណាច់ឆ្នាំ២០១៦ខាងមុខ ៕
ដោយ៖ ឈូក ស / White Lotus
ប្រភព៖ vanityfair.com
ប្រភព៖ vanityfair.com
No comments:
Write comments